Bota e Gruas Shqiptare - Merita Bajraktari McCormack - Poezi

Frut i shpirtit

Ashtu si keputet nga dega fruti i arrire
E bie , perplaset mbi token e forte,
Lengezohet e pastaj vyshket nga plasja
Ashtu u keput dhe fruti i shpirtit
E mbeti endur ne kraharor
Ate cast ,ndali frymemarrjen njeriu,
Foli vec heshtja ,dy pika loti, ndarje
Serish, e hidhur shija, cikle perseritese
Mbarsur me kujtime ndarje, bashkime
Kraharoret u bene hapesira pa gravitet
Shpirti endet, perplaset nga valet e furtunes
Ngjan si titanik i thyer, fundosur ne det

Adriatik

Merre puhizen e lehte qe me perkedhel
Bregut shkembor kete mbremje vere
Percille mes eres,stuhish a rrymash
Percille drejt bregut qe me njeh
Bashke me flladin e lehte
Coji dhe pikezat e ujit qe bart me vete
Lag me to fytyren e Memes...
Tregoji i vijne nga bija e merguar
Plot me mall e dashuri derguar....

Bregdetit Dalmat, 12 Gusht 2004


SHPIRTI I GRUAS

Nje trup gruaje mund te vritet
Mes plumbash a bresheri guresh
Nje trup gruaje mund te digjet
mes flakesh zjarri mund te hidhet
Nje trup gruaje mund te shitet
Blihet,torturohet, peshtyhet
Prej dores se forte e te ashper
Trupi i gruas mund te perndyhet
Por nje shpirt gruaje keshtu
Kurre s'mund te vritet dot
Vec fjala e hidhur vret shpirtin
Prej saj nje shpirt gruaje u vra SOT!

Mall

Mallin per ty me kujdes e ruaj
ne shpirtin tim nje qoshe tenden ke
vec sot malli si zjarr me dogji
te kerkoj tani mes vargjesh, ku je?

Tre fjale

Tre fjale gjeta sot mbi tavoline
nxitimthi "I love you" shkruar per mua
me folen me shume se bota e tere
me zemer te thashe "Edhe une te dua"!

Eja me mua!

Ne do yjet si cati
henen drite dashurie
token shtrat dashuror
afshin tone zjarr rinie
eja zemer me mua!

Ne do puthjen te me
me zjarr t'i pjekim
gjakun nder deje te ndjej
me shpirtrat prej dashurise t'i djegim
eja e me thuaj te dua!

Ne do zemrat t'i bashkojme
te ndjejme dashuri nder deje
ti te marrosesh pas mua
e une te cmendem pas teje
eja, te pelqen a s'me thua?

Vec fjale!

Bote ,ujra te turbullta
Fjale ne ere
Fjale,fjale vec fjale
Fjale pa mbarim
Njerez ndaloni!!!!!
Me fjale ne ere vetem
nuk gjeni dot shpetim!!

3 nentor 2003

Pilati

Pilati s'ishte udheheqes popujsh,
Diktator roman I Judese
une do bej si thote turma
Barabas te lirohet
Krishti te kryqezoet!
Vullnetin e turmes –tha Pilati- bej
Por historia qe drejt e gjykoi
Ne regjistrin kohor "Krishti u kryqezua
Nga Pontus Pilati" shkroi!"

Urim!
Femijeve te mij

Lozni ju engjejt e mi!
Lozni e qeshni,bota eshte e juaja,
Kurre mos ndaloni lojen yjet e mi!
Buzeqeshjen mbi buze paci perhere
Ngazellimi mbreterofte ne shpirtin tuaj !
Gjithe stinet tuaja qofshin pranvere!

Lozni ju engjejt e mi, qeshni, lumturohuni,
Merzise mos ja pafshi syte kurre!
Dhe halle mbi shpine kurre mos paci,
Boten tuaj te bukur, sot, gezoni!
Do vije nje dite, yjet e mi
Kete urim te Nenes ta kuptoni!

1 Dhjetor 2003

Dy jete..

Dy jete,dy
bote te shprishura
Dy zemra dy dashuri
Per hir te kujt u bene fli!?


Ti vjen tek une

Ti , shpesh vjen pa trokitur
Here here si stuhi e marre
Erera te forte sjell me vete
Tufan e ben ,mbart acar
Remben me vete c'gjen perpara
Mbush lumin tend prej kohesh vdekur
E ik pastaj me vrap, pa menduar
Per burimin qe dha uje kur ti ishe etur…

Kur jep!

Kur I jep uje dikujt qe prej etjes eshte thare
Apo i jep kurajo ku prej gjithckaje eshte vrare
Kur i tregon rrugen kur ne udhekryq gjendet
Apo e ndjek me qiri kur mes erresires endet
Kur i jep doren dikujt qe rrezohet
Ti I ngjall nje shprese, dhe ai ftillohet…
Kur se fundi jep te madhen dashuri
Sheh frut te vertete,fiton nje njeri!

Me Duhet

Me duhet te derdh ne det
dhimbjemadhin, dert mbushur,malin tim
te hap dritaren e shpirtit
te pres rrezen e pare ne agim
te ndjej ajrin pastertor
mes fjollash bore te zbardhellohem
te rifilloj te jetoj serishqe ka Zot, te kujtohem
Te flej e te gdhihem mes endrrash
te degjoj zogun e pare cdo mengjes
te shkoj lendines sime e cliruar
te ndjej plotesisht arome e vese
me duhet te shoh atje larg pemen
qe ka celur, me pret petale plot
te rend si njehere femije,
te rrezohem e te ngrihem, pa lot...


Ekuiliber!

Ekuilibri eshte tek ti
gjithmone
Ti e prish a ve ne vend
Ekuilibrin
Nuk eshte Zot tek ti Ai
Zot i ekuilibrit tend
Je vetem ti!


Gezo diten!

Mos u trishto nese shiu qe bie nga qielli
te pikon drejt ne shpirtin tend te lodhur
mos u ngrys nese endrra tu prish
ti e di, ke mundesi te enderrosh serish
Mos u ngrys ti nese dielli
perendoi me shpejt se c'pritej
fjalen e hidhur mos e bej mike

Qeshu pas petales se lules, bletes punetore
zogut gushekuq, tingujve te muzikes
atij shikimit te vjedhur ,pas xhamit
gezoju, kuptoje jane te gjitha per ty
preke jeten, kerko te bukuren,
pjese e saj je dhe ti,une, te gjithe ne
gezo momentin, falendero Zotin per diten e re!

Atij qe me ka rrembyer zemren

Ti,vogelush, linde dhjete vjet me pare
erdhe e solle jete ne kete bote mergimtare
ashtu si dielli qe sjell nje rreze drite
ne keshtjellen e erret permes dritares

Ti erdhe pa ditur c'dashuri do sillje,
pa ditur lotet qe do dilnin prej gezimit
pa ditur lumturine prinderore
qe sillje ti ne boten e mergimit

Ti erdhe i qeshur, i bukur, shendetplote
hodhen hapin e pare drejt nenes vrapove
vec fjala, e uruara, ajo te mungon
por dhe pa fjalen ti vec lumturi dhurove

Ti je syqeshuri, i bukur, vetull harkuar
Ai qe vec zemra di te rrembesh
ai engjell i vogel qe ndryshon boten
kur aq bukur, pa fjale, vec buzeqesh

dashurine e jep pa bere zhurme
ajo rrjedh si krua shpirtit tende
ndjej ne deje, me ka rrembyer,
kur perqafimin tend sjell ndermend

2004

Nese fjala ime ne varg

Nese permes fjales time
ne vargun e thjeshte
ju solla buzeqeshjen,
ndjeni se me ju qesh dhe une
njelloj gezoj si kete moment
qe ti tani perjeton ne varg
driten e kam marre prej jush
dhe ja u sjell me vargje ne prag
nese fjala ime vargezuar
sjell dhimbjen mallin,
lotin, trishtimin, ndarjen,
ndjeni, me ju jam ne cdo moment
Miq te dashur kurre mos harroni
ju kam dhuruar shpirtin tim-
liber te hapure permes fjales time
ne varg ate lexoni!


Poezite jane shkeputur nga vellimi "Tinguj Malli" -botuar Tirane , 2005 "SHB ALBIN"
Te gjtiha te drejtat e rezervuara autores Merita Bajraktari McCormack