Ngjarja ka filluar ne Gerdec, Bashkia Vore, perafersisht ne 12:00h, ku ne fabriken e specializuar per cmontimin e predhave te municionit te kalibrit nga 60 deri 152 ku ka pas nje shperthim aq te forte, i cili me forcen e tij eshte degjuar gjer ne Tirane!!!
"Oh medet per mua, veq ta di a jane gjalle apo jane copetu...ah mjera une, mjera....ah medet cka na ka gjet bre..." - qante nje zonje ne moshe, pak meposhte nje tjeter zonje duke denesur thoshte: " Po kane shkuar ne ate pune per nje kafshate buke, po sikur ta dinim se cfare do ndodhte, ah Zot i madhi te lutem te kene shpetuar dy nuset e cunave...."
Ore e cast shfaqen komentet aktuale nga banore te asaj ane, te cilet shpresojne qe familjaret e tyre, qe jane te plagosur, te shpetojne apo ata qe konsiderohen te zhdukur, te gjenden gjalle. Numri aktual i te plagosurve eshte 244, kurse i te vdekurve 7, por ekziston frika, qe numri i te vdekurve te jete me i madh.
Kemi pare (dhe shohim)pamje spektakulare, por edhe dramatike nga nje qytetar, qe kishte incizuar privatisht pamjet dhe qe ne nje moment e shohim, qe i bie edhe kamera ne toke nga presioni i larte i shperthimit. Vala goditese ka shkaktuar shume plage edhe tek vozitesit e automjeteve.
Nga aksionet e forcave te specializuara te ushtrise jane evakuuar me autoblinda nje numer i madh i banoreve te Gerdecit.
Zjarrfikesit kane mundur te penetrojne gjer ne 10 metra afer vendngjarjes per te munduar te shuajne zjarrin!!!
Me lot ne sy po e percjellim TV-ne, ku ne kete moment jemi mbledh me te aferm tek une e jemi duke percjell Top-Channel.tv dhe sapo u lajmerua, qe njehere per njehere te mos dhurohet me teper gjak, pasiqe jetegjatesia e perdorimit te gjakut eshte e shkurter dhe nese ka nevoje, do te behet serish nje lajmerim mes mediave.
Po verehet nje solidaritet i jashtezakonshem nga te gjitha trojet shqiptare dhe nga vendet fqinje, si Maqedonia, Greqia, Zvicra, SHBA etj. Tash pritet te ateroje edhe nje aeroplan me mjeke specialiste - traumatologe nga Greqia. Ne Gjakove e Prishtine jane hapur qendrat shtese, ku ne keto caste radha e njerezve eshte e gjate per te dhuruar gjak.
Qirinj per tragjedine e Gerdecit po ndizen kudo ne qender te Tiranes dhe tash une e nisa aksionin me lajmeru te aferm, shoqerine time etj mes emailit, sms dhe telefonit, qe te ndezim qirinj....ky eshte minimumi qe mund te bejme.
Ne keto caste sapo filloi konferenca per media e Kryeministrit, z.Sali Berisha.
Shumica e te plagosurve kane plage nga zjarri, kurse nga viktimat deri tash veq nje ka mundur te identifikohet.
Se a eshte faji i nje oficeri gjate cmontimit te predhave ne depon e armeve mbetet te shihet, pasiqe deri ne keto caste s ka ndonje konfirmim me te sakte, veq qe shihen flaket ne Gerdec...edhe pse s ka me shperthime.
Ne nje diameter prej 20-30km perreth Gerdecit jane demtuar shtepite nga forca e shperthimeve dhe jane lenduar shume banore te atyre aneve.
Dhashte Zoti qe numri i viktimave te mbetet me kaq dhe qe te sherohen te plagosurit.
Meme Shqiperi - bashkendjejme me Ty, ngushellime!
Mimoza Morina,
Prishtine, ora 21:35h
No comments:
Post a Comment